Ngenjungak

Ekstra Karet

Nganju idup sare ukan minggak kitu ari. Yang name sare sesaat dak bemusim bang amat ne. Mule se minggak nganju, lamak-lamak yang sare ne dak nak ngale

Ekstra Karet
pos belitung/dok
Sampul buku Ngenjungak Republik Kelekak karya Fithrorozi 

Fithrorozi
Komunitas Telinsong Budaya

Nganju idup sare ukan minggak kitu ari. Yang name sare sesaat dak bemusim bang amat ne. Mule se minggak nganju, lamak-lamak yang sare ne dak nak ngale, lekat sebadan-badan. Sekali ngeremat, cakap mintak ambik. Jaak ai, dari bang ruma sampai ke ujong kampong gak tapak ngambit sare ini la.

Belau Rebuya dak berenti-renti ngeratap ngalokkan dirik ne idup dak beruntong. Piker belau minggak belau surang nok idup sare. Banyak long, banyak nok lebe sare dari ikam tapi dak bagik ngeratap sekampong-kampongan. Tah !, kiape belau Rebuya ne. Ikam senang de jaman tima jaye la isak. Tika Jepang nyuro urang kampong mukak sawa belau dak dehambakan Jepang. Mangke, gileran urang maras taun, duluk-duluk mintak kan dukun lepat.
Lain Rebuya lain pulak kan nasib belau Satar. Jaman Belande mukak tambang, belau kebagian rejeki. Minggak jadi langkong dak jadi hal tapi ngerase duit Belande la isak. Nok muat iran, belau Satar to dak batak se-kong ngula tima tapi se idup tang we idup gara-gara pandai ngenggisek piul. Uji Belande, piul be lau ne dapat ngeluntorkan perasaan seraka. Ukan setap tapi dak beras pelayan. Mandor ukan tapi dapat bajuk setelan. Benar endak e cakap urang bang kampong aku dak merik pandai. Tapi sesat urang la beumor tang kan kitu nyebut e. Kemandaian belau Satar bemain piul dak ade tanding, dak ade banding. Depiker-piker kiape Tuhan ne ngator idup manusie.

Mukuk mule belau betemu Belande, gara-gara bekuli jadi tukang angkut barang. Enta sebile, belau juak kelupaan. Pukok e, tika itu belau sempat ngangkat piul Belande. Karne rupo-rupe tempat idang narokkan piul tek tekelelak, tejama la yang piul Belande tek. Kelanjoran singgak nak nganju, deputik belau yang piul tek. Nasib baik, gisekan piul belau Satar ne muat ati Belande senang. Semenjak itu, belau Satar kuat depanggil idang ngenghibor Belande. Belau Satar beruntong minggak gara-gara kuat nganju gawe urang. Urang bekuli, belau nganju bekuli. Urang bemusik belau nganju belau. Pukok e, gak nganju mati belau dak isak dak kimacam belau Rebuya, sekampong-kampongan gak tapak nyebut nganju idup sare.

La tebiat manusie, gileran sare ngelamer, tika senang nekul kan dirik base takut ade nok ngendekat. “ La tekimek-kimek ne kan dirik “ uji belau Rebuya mun ade nok icak-icak betamu ke ruma belau. Ye, tika itu belau gik jaye. Kitute se, gak Tuhan la nok tau. Heh !, tang sua belau to keburokan jangak.
“ Ya !, usa becakap kitu kuk be delalukan belis seumor-umor kao kan idup Sare” uji Nek Mot ngalokkan belau Rebuya. Heh !. Piker Nek Mot, belis to kan neruskan cakap belau Rebuya base ngemat kan petua urang barik : jat baik de jungor. Belau Rebuya se dak gegar bulu minggak decakapek Nek Mot. “ Nek, ikam sala. Gileran aku ngeratap ikam nyebut delalukan belis tapi ngape ikam nyebut kitu tika aku bedue. Dak isak kan ikam nyebut usa banyak bedu’e, kuk be delalukan Tuhan “.

Yang Nek Mot ne tule tediam depantak belau Rebuya macam itu. Mungkin juak, Nek Mot entak ngelataek base takut belau Rebuya jadi nyalakan Tuhan. Dak bulak Kik Lebai juak, manusie pun kuat ngenjangak, deberik rejeki merengak, gileran deberik sare sing adela nok jadi penyala. Ngalokkanla pemerinta dak nak ngijokan. Nyebutla Tuhan dak ngasin. Keujong-ujong jadi kufur. La kufur jadi kaper, sekaper-kaper.
Dalam ati Nek Mot, mudah-mudahan belau Rebuya dak kenak kisas dari cakap sendirik. Nang bangat sare mundak se tapi nak nulong ape agik mun ukan nulong pakai cakap. Gak tapak itula rase Nek Mot kan belau Rebuya. Desebut serik, ye serik. Desebut ngasin, ade juak ngasin e. Timbale Nek Mot jadi ati arian.

Punye tetanggak nok belainan paham, ukan baru kini tapi betanggak belainan nasib tang baru inila derasekan Nek Mot. Lete Nek Mot muang perasaan tapi se dak kuang-kuang tang bang dade juak. Nang ade gase e ngasin. Rupenye, tebiat Nek Mot rajin ngume to dak tule dependam bang ati. Cakap belau ajak kitu, tapi perasaan belau alus kai kapas. Nak kan padan Kik Sera’ie tekimek-tekimek kan belau. Minggak muke usa deambik ape agik la jaman sekarang ne.

Lain urang, lain perangai, lain pulak nasib e. Belau Satar kitu, belau Rebuya kini. Mun dak se tiap urang dak kuang desamekan. Nek Mot paham benar. Itula nok urang kampong dari duluk rajin bepaham. Tang sua juak, asel tanaman belau kuat dak nepus tek gara-gara urang rajin mintak bagi. Sikit-sikit mintak bagi muat kan meli dak isak. Keraamaaaaaat ai !. tang beruntong la urang betetanggak kan Nek Mot.

Ape nok depikeran Nek Mot, dak jadi taganan belau Satar. Menendak Rebuya dak berenti bepaham nasib, pukok e aku jangan, uji belau Satar bang Ati. Ini se, ngisakan belau Satar tika lum kanggo peridupan. Pasti ade rahasie ngape sampai belau Satar ne jadi kanggo peridupan. “ Eh !, itu pun berisik Belande, cukup mun idup ngandalkan pemerinta jaman sekarang. Kutakser kuning kaki seluar. Anjula !” uji belau Rebuya. Ngendengar cakap e, sing pandaila belau Rebuya nyarik penyala. Dak nyalakan pemerinta, nyalakan Tuhan. Dak nyalakan gawe, nasib pulak desalakan.

Tika belau gik Sare, belau Satar dak sua bepula. Ape nok dedapat itula nok demakan. Minggak tetanggak ajak nok lete ngalekan perasaan. Jak, kiape lete. Anak belau Satar tek ngerancit. Nek Mot nok gak beduak kan laki de ruma jak lete ngijokan pemakanan ape agik decamporek Kik Sera’ie rajin ngeretap kan pemakanan. Ngalokkanla ikan to amis, pedahal ukan. Tang nak mintak masakek daging. Nasib baik, Nek Mot dak berijo. Asel bejual upak tek belau tukarkan daging. Dak banyak, itongan dapat ngalakan kecapakan laki jak jadila. Nok penting, dak panjang jungor Kik Sera’ie. Ade gase e takut juak kan laki ngelamer isik dapor de kedai kupi.

Lain belau Satar, gasik begawe tapi dak banyak bunyi. Karne dak sayu’an begawe belau derajinek Belande. Ade benar juak cakap belau Rebuya. Nasib baik, belau Satar begawe kan Belande mun begawe kan urang lain tang sua dak kitu nasib e. Tapi ngalokkan urang belau benasib baik ukan karne Belande tapi karne ekstra karet. Ade ken belau kebun karet ?. Ukan !. Dak terungkap, belau Satar abis depelonco. Pukok e, rahasie idup belau Satar tebungkar. Ekstra karet harus derinci, karet sape, dari mane.

Baca selengkapnya di Pos Belitung edisi cetak Minggu 24 Juli 2016

Editor: Wahyu Kurniawan
Sumber: Pos Belitung
Ikuti kami di
KOMENTAR

BERITA TERKINI

berita POPULER

© 2018 TRIBUNnews.com Network,a subsidiary of KG Media.
All Right Reserved