Breaking News:

Ngenjungak

Nanam Pinang Kering

Benapas dak mayar, dak kimacam butul angin de ruma sakit. Bigik mate dak bagik perlu donor makai duit, dak kimacam kacemate di tuko. Nok ape agik?

pos belitung/dok
Sampul buku Ngenjungak Republik Kelekak karya Fithrorozi 

La raga ke tue, Kik Sera'ie banyak ngerenong. Sala ke aku ngendidik anak anak aku ye sampai peranakan jao kan dirik. Ade perasaan muatek dirik, nak dekat kan biak kecik tapi dak bekeruanan juak. Gara gara belau nganjong nganjongek Cudet kan Kudon, kerap belau deperula biak kecik. Ngasin juak ngeliat Kik Sera'ie.

Ujong ujong niat nak dekat mudak, nak baru nak ngengga dirik. Inila nok muat pasal belau senang kan biak main bula. Kemane biak beradu belau nundaan. Dak meligaek, deajak urang naik terek belau naik terek juak. Pukok e, dak isak dak turut aru kan gawe biak mudak. Niat belau gak sikok : nak muliekan biak kecik. Anak la begedean, la punye anak pulak. Mangke cucuk belau jao. Minggak cucuk aku'an pun dak kuang deandalkan. Jak liatla pula Cudet kan Kudon, makin deanjongek makin nyasak. Untong e, nang uji ngarak la uzor ne, belau ne dekat kan Tuhan. Jadi minggak sala sala sikit belau dak sua ngambik ati. Pemaaf e luar biase, pandai mawak dirik.
Dari sekian banyak gawe rajin nundaan urang main bula, ade juak belau dakk pandai mawak dirik. Nok biase belau gampang merik maaf. Pukok e, belau dak terimak pemain bula nok bula aso selamak ini kala. Dua pasang sendal la tegerabai, bula pun dak tauan berape kali lakan masok gawang, tapi gak tapak itula. Mungkin karne dak perejekian, niat nak menang gak sebatas menang. Lete belau besurak ngikoan anak aso.
"Tendangggg!!!!!." Surak along Kik Sera'ie selapang lapangan. Bedenging ngendengar, urat liher belau jak minggak dak tekebas kebagas bagasan besurak. Ngendengar Kik Sera'ie besurak, anak aso dak tule nendang. Nok nendang to justru pemain lawan. Apeeee, yang bula tek deras pulak. Jaak, gawang guang gandang detendang bula deras kacam kitu sape kan sanggup nahan. Goool !!!!, sekarang surak beganti, suare penonton pulak selapang lapangan.

Ambau ambauan Kik Sera'ie dak berenti renti sampai sampai duak pasang sendal biak kecik jadi korban sure itu. Untong e, biak kecik to dak mawak urang tue. Mun dak, tak sua banai Kik Sera'ie sure itu. Kik Sera'ie mimang hayal kan pemain, jadi dak meratikkan biak kecik. Dak tauan base biak kecik la ngusal nangis ngeliat sendal kesayangan degerabaek Kik Sera'ie. Sampai ati Kik Sera'ie.

"Pukok e aku nak jadi kiper !" uji Kik Sera'ie nguatkan ati muat urang susa. Dak delataek perenggu lain, tepakse belau ngembile pemain lain. "Mun mikak dak kuang deijokan lebe baik aku ngijokan urang lain," uji Kik Sera'ie kesal. Ape nok anak aso gawekan dak batak sikit belau hargaek. Kik Sera'ie kelupaan base manusie to ade tika sala, ade tika benar. "Pukok e, aku dak ngendukong mikak," uji Kik Sera'ie.

La segitu lamak Kik Sera'ie jadi urang pemaaf, tule tule beruba tebiat. Nok duluk dulu bijak jadi sengak, gara gara bula. Dak sadar ke belau, bula tadik bebalik. La sekitu anak aso belau ngarakan bula ke gawang lain.

Nang gara gara surak belau juak ne, bula tek detendang lawan. Mun dak nule ke Kik Sera'ie dak kan kitu kejadian e. Tapi Kik Sera'ie manusie biase, ukan macam Tuhan. Ilang maaf timbul ngenggaga, dak sadar umor la kan ngelandas. Surak along Kik Sera'ie juak dak ngeruba keadaan.

Baca cerita selengkapnya di Pos Belitung edisi cetak Minggu 17 Juli 2016

Sumber: Pos Belitung
Ikuti kami di
KOMENTAR

BERITA TERKINI

© 2021 TRIBUNnews.com Network,a subsidiary of KG Media.
All Right Reserved